The Indie Diss ( Sab Changa?)

Ye tere liye zyada kadwa toh nahi hai?

Sach bolun toh system ko ye hazam toh nahi hai?

Tum bhi wahi ratte “sab changa” ka naara,

Volume full karke sun, kahin zinda tera zameer toh nahi hai?

Namaste mere bhaiyon, pehle anti-national bolna,

Sach bolne waalon ko yahan aadat hai todna,

Main bhi isi mitti ka hoon, isi hawa ka tukda,

Isliye jo dekha wohi likha, na kuch jhootha

Kabhi tha sapno ka desh, ab headlines mein laashe,

Bhagwaan ke naam pe log yahan baant-te raaste,

Jhanda DP pe lagake samjhe farz nibha diya,

Baaki saal insaaniyat ko offline chhupa diya

Sadko pe kachra, muh mein fake nationalism,

Comment section mein sher, asal mein zero discipline,

Medal jeetke aaya banda, ghar pe ration kam hai,

Par reels pe “proud Indian” ka trend bhot garam hai

Sirens bajti piche, VIP convoy nikla,

Ambulance side mein khadi, system pura bikra,

Ho sakta patient marra ho us traffic ke beech,

Par kursi waalon ko bas security hi dikhra

Tu salute maar, tune hi inko devta banaya,

Khud ke haq pe chup rehke inko sar pe bithaya,

Jo hawa mein zeher hai, jo paani mein jalan hai,

Ye kisi aur ka nahi bhai, apna hi karam hai

Jispe kaam hai, vo kaam karra, tax bharra

Mere tax ka flyover, or neta uspe sex karra

Sansad mein hungama, camera pe fake vaade,

Ground reality pooche toh sab bhaage aadhe,

60 ke toll pe receipt tak nahi milti,

Par crores ke scam pe awaaz bhi nahi hilti

Duniya bhaagri rocket pe, hum queue mein atke,

Basic haq ke liye bhi log roz yahan bhatke,

Insaan ki jaan sasti, TRP mehngi hogayi,

Jungle kaatke sheher bane, rooh andar se so gayi

Gareebi badhri chupke, numbers sab makeup hai,

Rozgaar ke naam pe bas sapno ka breakup hai,

Doodh se dawai tak sab milawat ka khel hai,

Har dukaan pe CCTV, par niyat fir bhi fail hai

Par jo sabko dekhra usko dekhega kaun?

Sach bolne waale ke saath yahan tikhega kaun?

Gaane ka matlab bhi log controversy maane,

Par beti ke insaaf pe sadak pe niklega kaun?

Degree leke topper bhi line mein khada hai,

Job ke naam pe bas “experience” bada hai,

Main student hoke bhi ye sawaal kar raha,

System talent se zyada surname padhra

Isliye bachche bhi ab dreams mein smoke bharre,

Future ka pressure leke khud se roz ladre,

“Sab thik ho jayega” ka nasha diya jaata,

Andar se aadmi tootke bhi smile kare jaata

Par hum chup rahenge toh badlega bhi kya?

Har baat pe “deshdrohi” kehke dabega bhi kya?

Paisa hi survival hai, sabko pata hai,

Par roti ke chakkar mein sach marna zaroori kya?

Jab awaaz ko ignore karna aadat ban jaaye,

Tab gaane bhi andolan ka hissa ban jaaye,

Chalo bolo “all is well”, aankhein band karo,

Kal apni beti nikle toh bas dua karo

Sach likhne pe notice, summon aur case milte,

Jhooth bechne waalon ko sponsored stage milte,

Main streams nahi ginra, bas impact dekhra,

Kitne log sochne lage, main wahi check karra

Ye track nahi bhai, frustration ka dastaavez hai,

Jo chup hai woh bhi andar se kaafi pareshan hai,

Main sirf beat pe desh ka dard utaar raha,

Jo feel kare woh samjhe — baaki sab entertainment hai