Bewakoofi

Bewakoof, Pyaar mein insaan se bada bewakoof koi nahi.

Jo apni galti kabhi nahi maanta,

Aaj woh uski galtiyon mein bhi maafi maangta hai…

Shayad yahi pyaar ka asar hai?

Jo khud ko kabhi na samajha tha, Ab unki khamoshiyon ko samajhne lage hai.

Pyaar bewakoofi nahi toh kya hai?

Umeedon ka aisa jaal bun liya hai ki aab agar koi dhaga toot jaye,

Toh sabse pehle khud ko hi doshi thahara deta hu.

Shikayat unse nahi, Khud se hai,

Ki aisa kya badal gaya mujhme ki,

Jo raat ko jaldi soya karta tha, Aaj der raat tak bas unke khayalo me khoya rehta hai.

Jo hamesha kahin khoya rehta tha, Aaj bas unpe aake ruka hai.

Jo pyaar ko kabhi jhoota kehkar taal deta tha,

Aaj wahi khud soch mein pad gaya hai—

Kya sach mein, mujhe pyaar ho gaya hai?

Everything or Nothing concept maan ne wala insaan tha main,

Aur aaj, “thoda der toh hai na?” mein bhi khush hojata hun.

Unki bas ek Muskaan dekhne ke liye, Dil ne apne hi usool tod diye.

Ab Dil tak toh thik tha ab ye kalam bhi,

Likhna pyaar ke baare mein tha,

Par bawra dil, Uske baare mein likh baitha.

Lafzon ne wahi keh diya, Jo dil kehne se darta tha.

Jab dil dimag itna keh hi raha hai, socha mai bhi keh deta hu.

Bewakoofi!

Jaisa kaha tha, Pyaar mein insaan se bada bewakoof koi nahi.

Phir laga Shayad nahi karna chahiye tha,

Shayad sochna hi nahi chahiye tha,

Shayad milna bhi nahi chahiye tha,

Shayad bhool jaana chahiye…

Par ye yaar ye “shayad” hi to hai,

Ye shayad hi toh hai jo raaton ki neend uda deta hai.

Aur chahe kuch bhi ho jaye, aur bhale kuch bhi hojaye

Main unke baare mein kuch galat soch bhi kaise sakta hoon?

Pyaar hai woh meri, Aur kya pyaar kabhi galat hota hai?

--JusttSayinng