Poem : Woh
Woh..
Ab wohi toh hai jo mere khayalo me hai,
Wohi toh hai jiske baare me main din-raat sochta rehta hoon.
Wohi toh hai jise main sirf dekhte rehna chahta hoon.
Aur wohi toh hai jiski ek nazar… bas ek nazar… mera poora din bana deti hai.
Ab uski khubsurati ke kya kehne
Uski pyaari si aankhein, Aisa lagta hai ki bas dekhta hi rahu.
Uski woh pyaari si Muskaan jaise din hi bana deti hai
Aur jab woh apne Lambe se baal kholti hai toh phir toh kya hi bolu
Sirf baato se hi nahi, Dil se bhi achi hai,
Dil se bhi sachi hai woh.
Jab bolti hai… Aisa lagta hi ki bas sunta hi rahoon.
Waise Baat toh karna chahata hoon…
par pata nahi kyun… ek ajeeb sa darr hai.
Yeh darr hai ya pyaar… samajh nahi aata.
Shayad Pyaar?… haan..
Bada shabd hai… aur kyu na ho?
Shayad isiliye keh nahi paata…
Par iska matlab yeh nahi ki kehna nahi aata.
Bas sochta hoon… kya pata kehne ke baad
Woh muskaan… kabhi wapas na mile?
Woh awaaz… phir kabhi sunai na de?
Woh nazar… meri taraf kabhi na aaye?
Par phir sochta hoon…
Kya pata iss darr ke chakkar me main usey kho du?
Ya phir kya mere baare me sochti bhi hogi? ya Jaanti bhi hogi mujhe?
Ab pata nahi kab tak…
main darr aur pyaar ke beech
uske liye kavitayein likhta rahunga.
Waise mujhe uske liye likhne me koi harz nahi
Kya pata kisi din.. agar himmat karke keh bhi du.
Toh shayad tab pata chale… ki uss darr ke peeche bhi…
Sirf pyaar tha.
-- Justt Sayying